Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paramete: 1891-1895

Te Iwi O Ngatirahiri

Te Iwi O Ngatirahiri.

E. M. Kapa e tautoko ana ahau i nga kupu i whakapuakina e E. M. Mete mo Ngatirahiri. Ko ahau hoki tetahi o nga mema o te Komiti Maori i te wa i whakahaerea tenei take. I puta ano tetahi whakahaere mo tenei mea i roto i te ripoata a Ta Wiremu Pokiha me tana whakahua i te mahi piri pono o taua iwi kia Te Kuini. E hara i te mea e whakahe ana ahau ki tenei Kawanatanga anake otiia no tera Kawanatanga pea te he. E mohiotia ana i tangohia tetahi whenua pai no tenei iwi ko Tikorangi te ingoa ma nga mahi hoia. I puta te kupu a Ta Wiremu Pokeha ko tetahi wahi o te £4,000, te utu mo te whenua i tangohia nei, me whakapau mo nga taiepa me era atu mea. Na e £500 kei te toe. Kei te penei taku titiro, kei etahi wa he nui rawa te whakamana o te Kawanatanga i te ripoata o Te Pokiha, mehemea e tupono ana ki ta te Kawanatanga i hiahia ai. Pai rawa atu mehemea i whakamana tonu nga ritenga katoa o taua ripoata, kua kore e pa he mate kino ki nga Maori mehemea i penei te whakahaere. Me aroha pai te Kawanatanga ki tenei Iwi, me whakamana ta ratou hiahia.