Nga Korero Paramete: 1891-1895
Paraire, te 8 o Hepetema, 1893. — Niramona Pini Whenua Pire
Paraire, te 8 o Hepetema,
1893.
Niramona Pini Whenua
Pire.
I runga i te ripoata me te motini kia panuitia tuatorutia tenei Pire.
Ko W. Kere.—Kahore aku whakahe ki tenei Pire erangi tera etahi tangata e tono kia pera ano etahi Pire mo a ratou whenua penei me ta Mihi Kereama. Tera atu hoki etahi riihi kei taua Takiwa Ngawha. I ara tetahi whakawa ki te Hupirimi Kooti na Rapihana kia Te Wirihana. Whakatika ana a Rapihana e te Kooti. Muri iho ka hinga ia i roto i te Kooti Piira, a kitea ana i reira kaore e whai mana nga riihi a nga Maori ki nga Pakeha i mua o te whakawakanga.
Te Miterehana.—Na Te Paranihi i tohutohu kia hanga tenei Pira me te whakaae ano o te Karauna.
Rarangi 4 kua ata whakaurua kia ahei ai te Minita ki te tuku riihi kia Mihi Kereama ina tukua whakareretia e ia te whenua ki te Karauna. Kua oti hoki te mahara a te Kawanatanga, kahore e pai kia riro motuhake tetahi whenua o te Taone o Rotorua ki tetahi tangata mona ake.
Paahitia ana taua Pire.