Nga Korero Paramete: 1891-1895
Taite, te 5 o Hepetema, 1893. — Maori Whakakotahitanga
Taite, te 5 o Hepetema,
1893.
Maori Whakakotahitanga.
E. M. Kapa.—E patai ana ahau ki te Kawanatanga—(1.) Ka pehea ta ratou whakahaere mo te Pitihana a Taitoko me ona hoa rangatira o te Kotahitanga e inoi ana kia tukua e te Paremete he mana whakahaere ia ratou i raro i te Tiriti o Waitangi me te Ture Nui o Niu Tireni 1852? (2.) Mehemea tera to Kawanatanga e whakahaere ritenga i roto o tenei Paremete hei whakamana i te inoi o taua pitihana.
Timi Kara.—E kore te Kawanatanga e whakahaere ritenga mo te pitihana a Meiha Keepa me te Kotahitanga Maori o Niu Tirenei. Kahore kau he take e whakaaro ai te Kawanatanga kei te takahia nga mana i whakapumautia ki nga Maori i raro i te Tiriti o "Waitangi me te Ture Nui o Niu Tireni. E kore te Kawanatanga e whakamana i te inoi a nga kai-pitihana erangi ko nga tohutohu marama o roto o taua pitihana, e pai ana ano te Kawanatanga ki te tirotiro i era.