Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paramete: 1891-1895

Paraire, te 18 o Akuhata, 1893. — Hotera I Mangamuka

Paraire, te 18 o Akuhata, 1893.
Hotera I Mangamuka.

E. M. Kapa.—E patai ana ahau ki te Minita Maori mehemea kua tae mai he pitihana na nga rangatira o Ngapuhi e whakahe ana ki te whakapuaretanga o tetahi Hoteera i Mangamuka, ta te mea he whenua Maori tuturu taua wahi a kaore ratou i pai kia puare te waiporo ki to ratou kainga? He nui nga pitihana me nga reta mo tenei mea kua tae mai ki au na nga Maori o Hokianga. I i te 20 o Hurae i tukua mai e ratou te pukapuka whakahe he mea haina e nga tangata e 52. E tohu tohu mai ana taua pitihana, he takiwa Maori tuturu taua whenua, e kore e tika kia waiho ki nga Pakeha te mana hoko waipiro ki reira, a kore rawa ratou e pai kia tuwhera te waipiro ki reira hei whakakino i ta ratou takiwa. Otiia kua rongo au, ahakoa te whakahe a nga Maori kua whakaaetia te raihana mo taua hoteera, i te 1 o Hurae nei.

Te Riwi.—Kei te whakapai te Kawanatanga ki te kaha o nga Maori ki te arai i te mahi hoko waipiro ki o ratou takiwa. Kua tae mai ano taua pitihana a kua parea ki te Kai-whakawa Tuturu mana e ui ui. A Kaore ano kia tae mai tona ripoata, erangi e kore pea e kaha te Kawanatanga ki te rere atu ta te mea kei te Komiti tuku raihana te mana.