Wenerei, to 29 o Hune, 1892.Nga Maori O Waikato.

Taipua.—Patai ana ki te Kawana-tanga, mehemea ka whiriwhiri ratou i te tikanga kia whakaritea he kainga mo nga Maori kore whenua o Waikato? E hiahia ana ia mei kore e pena tonu Te aroha ki te iwi o Waikato kua ranpa-tutia a ratou whenua mo te urunga ki te mahi kingi pena me te tohu aroha kua puta ki etahi atu iwi. He takiwa tika tenei hei patainga i tenei kupu tatemea kua hoatu he penihana kia Tawhiao, a ko nga Maori i kuhu ki raro i aia kua waiho kia mate ana. I whakarite tikanga tera Kawanatanga kia whakahokia tetahi wahi o te whenua raupatu ki nga iwi o Waikato me Tawhiao hoki, otiia kihai a Tawhiao i pai. Na inaianei, i te mea kua wha-kaotia te tikanga e te Kawanatanga me Tawhaio, e tino tika ana kia puta hoki he aroha ki etohi.

page 16

Te Karimana.—Ae, kei te mahara ano te Kawanatanga kia whakaotia he tikanga mo nga Maori whenua kore, e hara i te mea mo o Waikato tangata anake erangi mo ratou katoa puta atu ki te koroni katoa. A tera e tonoa te Whare kia paahitia he ture pera, a me tautoko mai te honore mema nana te patai nei.