.gif)
Nga Korero Paramete: 1891-1895
Paraire, te 7 o Oketopa, 1892
Paraire, te 7 o Oketopa, 1892.
Manawakaitoi Me Waikopiro.
Te Mete.—Patai ana mehemea ka tahuri te Minita mo nga Whenua ki te hoko i aua poraka e 52,000 eka kia whakanohoia i te mea kei te tino hiahia kia peratia.
Ko J. Mekenehi.—Ae erangi kua tonoa te whakawa tuarua. Kia oti ra ano te whakarite i taua tono katahi ka ahei te whakahaere.
Wi Pere.
Taipua.—E patai ana ahau mehemea ka, tere tonu te utu te Kawanatanga i te £200 kia Wi Pere, i te mea koina te moni kua whakataua kia puta ki aia e nga kai whiriwhiri i whakaturia e te Kawanatanga a kua puta hoki te ripoata o te Komiti Maori he mea tika kia utua tonutia taua moni.
Ko J. Mekenehi.—Taia ra ma te Kawanatanga e whakaaroaro.
Kooti Whenua Maori.
To Miterehana.—Patai ana me pewhea ki ta te Kawanatanga whakaaro e omutu ai nga tini tini keehi e takoto nei kei te aroaro o te kooti Whenua Maori me te puke haere mai a tae ana inaianei ki te 13,000 keehi kei te tatari kia whakahaerea. Ko te mea pai e ora ai te koroni me whakatu he Tiati hou.
Te Hetana.—E tika ana, kua ata huri huri te Kawanatanga i roto i to ratou Runanga me to ratou whakaaro kotahi me whakarite tetahi tikanga e oti ai enei raruraru. A mana e kawe taua take ki te aroaro o te Minita Maori.
Whare Waea i Omapere Ki Waitapu.
Kapa patai ana ki te Minita Poutapeta peta mei kore ia e whakaae kia whakamarohia te waea haere atu i Omapere marohia te waea haere atu i Omapere ki Te Waitapu i Hokianga?
Te Hetana.—E pouri ana i te mea kaore he moni e watea ana he mahi i taua mea.
Tiwhikete Whenua Maori.
Tame Parata patai ana ki te minita Maori mehemea ka homai e ia he Pire poto hei whakamana i te whakaputanga tiwhikete ki nga Maori o te Waipounamu?
Te Hetana.—E kore rawa e taea taua mea inaianei. He mea nui tenei ki nga Maori a ma te Kawanatanga e whakaaro ina taea e ratou te whakarite i nga take kua tohungia mai e te honore meme na.
Rahoroi, te 8 o Oketopa, 1892.
Pire Maina.
Te Hetana.—Whakaatu ana kua ungutu ta ratou whakaaro ko nga mema Maori mo tenei Pire a kua whakaurua tenei kupu ki te rarangi 16, "i runga i te whakaaetanga o nga Maori whai paanga katoa."
He nui nga mema i korero mo tenei putake a whakaaetia ana taua motini. Paahitia ana taua Pire.
Pire Pooti.
Kapa.—E hiahia ana ahau ki te whakaatu e tino tautoko ana ahau i tenei Pire. I pooti ahau i tera tau me whai mana ano nga wahine kia pooti a tinihangatia ana ahau e tetahi mema, he ana taku pootitanga i reira. Otiia i tera tau kihai i whakaae me tuku te mana pooti ki nga wahine Maori tahi pena me tenei inaianei. I tinihangatia ahau inaianei ano kia kaua ahau e pooti. Otiia ka tautoko tonu ahau i tenei Pire. Kua rongo ahau kei te raruraru tenei mea ki roto ki te Kaunihera, ko te take pea ko te tikanga kia whai pooti nga wahinu Maori, pewhea ranei.
He nui rawa atu nga whakahere mo tenei Pire i waenga o nga Whare e rua. Otiia kihai i papa tahi te whakaaro, a hinga ana taua Pire.