.gif)
Nga Korero Paramete: 1891-1895
Taake Kuri
Taake Kuri.
W. Hatihana.—Panui ana he korero nupepa mo te haerenga o nga pirihimana i raro i a Paari ki Parihaka huakina ana taua kainga i te ata po ki te hopu i etahi Maori mo to ratou kore e utu i te taake kuri a mauria ana ratou ki Nu Paremata ki te Whare herehere. E patai ana ia ki te Kawanatanga mehemea e mahi ana tenei mea i raro i te ture kotahi mo te Pakeha me te Maori. Kahore hoki ia e mohio e mau penei ana nga Pakeha ki te Whareherehere. A heaha hoki te pai kia huakina potia nga Maori e nga pirihimana.
Te Hetana.—Kua whai ture noa atu i mua me awhina nga pirihimana i nga ropu takiwa ia ratou e kohi ana i nga taake kuri. Kei te rite tonu te ture mo nga iwi e rua. Otiia ka ui ui ano ia i te tikanga o tenei raruraru me te whakaatu ano ki te Whare a tona wa.