Nga Rahui Whakataunga O Te Tai Hauauru.

I runga i te motini a Timi Kara whakahaua ana kia whakaturia he Komiti hei tukunga atu mo te Pire Whakataunga Rahui o te Taihauauru kia whiriwhiria e ratou. Ko nga mema mo taua Komiti ko te Paranihi, ko Pihi, ko Makoaea, ko te Roore, ko te Roretana, ko te Riihi, ko Taipua, ko Timi Kara, nana nei i motini.

Rahui Mahi Ika O Ohapi.

Tame Parata.—E patai atu ana ahau ki te Minita Maori mehemea kua whakaotia e ia nga tikanga mo te Rahui Mahi Ika o Opaki e tata ana ki Temuka? Kei te mohio tonu te Minita Maori ki nga take o tenei patai.

Te Karimana.—I meatia ano i mua tata ake nei kia hokona tetahi wahi whenua kia tekau nga eka i tetahi kamupani hei painga mo nga Maori erangi kihai i taea te hoko o taua. whenua no te mea kihai nga tangata no ratou te whenua i pai ki te hoko i tetahi wahi o te poraka. Heoi ta ratou i pai ai me hoko tinana tonu i te poraka.

Rana i Riwatana 172a.

Tame Parata.—E patai atu ana ahau ki te Minita Maori mehemea ka kiia mai e ia ka peheatia e ia nga tikanga mo runga i te pitihana a nga Maori o Riwatana o Colac Bay me etahi kainga mo te Rana 172a? Kua tae mai etahi pitihana a nga Maori e whai take ana me ta ratou inoi kia wehea taua whenua hei oranga mo ratou.

Te Karimana.—Kei te whiriwhiria te take whakawhiwhi whenua mo nga Maori o te Waipounamu. A i naianei e kore e tika kia whakahaerea ko tenei keehi anake no te mea tera tenei keehi e arai i te whakahaere o nga take katoa a nga Maori o kona. Kua mea hoki page 26maua ko te Minita o nga whenua kia tino whiriwhiria aua take katoa i muri iho i te nohoanga o tenei Paremete me me whakamatau ki te whakaoti i aua take katoa.

Tame Parata.—E patai atu ana ahau ki te Kawanatanga mehemea ka rahuitia taua whenua i naianei kei hokona.

Te Karimana.—Me ata titiro e ahau te takoto o taua whenua kia matau ai ahau ki te peheatanga.