Nga Korero Paramete: 1891-1895
Taite, te. 28 o Hurae, 1892
Taite, te. 28 o Hurae, 1892.
Tiriti O Waitangi.
Te Kapa.—E patai atu ana ahau mehemea kua perehitia etahi tauira o te Tiriti o Waitangi pera ano me te whakaaetanga mai o te Minita Maori i runga i taku patai o te 30 o nga ra o Hurae, 1891.
page 25Te Karimana.—Kua tukuna ano nga whakahau kia perehitia aua pukapuka, erangi e pouri ana ahau i te mea kihai i whakamana aku whakahaunga e te tari perehi, ko tenei ka whakahaua tonutia e ahau kia perehitia ina mutu tenei Paremete.
Kura Maori i Onuku.
Tame Parata.—E patai atu ana ahau ki te Minita mo nga kura (1) Mehemea e meatia ana kia tukuna te whakahaere o taua kura ki te Poari o nga Kura; (2) Mehemea e peratia ana ka ata tiakina ranei te whakahaere o taua kura; kua tae mai etahi pukapuka a nga Maori e noho ana i reira e mea ana ka tutakina ta ratou kura a ka tukuna ki roro i te whakahaere a te Kura Poari. A e mahara ana nga Maori mehemea ka peratia ekore pea e tau nga painga katoa ki o ratou tamariki i hiahia ai ratou. Ko te whenua e turia nei e te Whare Kura no nga Maori.
Te Riihi.—Ho tika ano meake nei tutakina ai te Kura i Onuku no temea kihai i neke ake nga tamariki i te koata tau kua pahure ake nei i te ruatekau tamariki o i roto i aua tamariki tokoiwa nga tamariki Maori he Paheha te toenga. Ki taku mohio ekore e hapa nga tamariki Maori i te kura inaianei a e tino mohio ana hoki ahau ekore e mahue i te Poari Kura te ata titiro i te matauranga o nga tamariki. Ko taku i mohio ai ko nga Pakeha e tino kahia ana kia riro i a ratou te whakahaere o te kura. kua tukuna ki te Poari Kura kua whakaae ratou kia uru tahi nga Maori ki te whakahaere i taua kura. Erangi me whakaatu ahau ki te mema na ko Manakomere e noho ana i taua takiwa he mema ano ia no taua Poari a kei te mohio ano ia ki nga hiahia o nga Maori a tera ano hoki e tiakina e ia nga take o nga Maori ekore ano hoki e wareware i te Poari Kura te whakahaere i nga tikanga e whiwhi ai nga Maori i te matauranga mo a ratou tamariki.