Taite, te 30 Hurae, 1891.
Nga Kereme Ki Wairarapa Moana.

Timi Kara.—Patai ana ki te Minita Maori ko awhea tukua mai ki te Whare te ripoata a te Roiara Komihana mo nga kereme ki nga roto i Wairarapa. Me ki atu ia ki te Minita he mea nui rawa tenei ki te whakaaro a nga Maori o taua takiwa me te nui o ta ratou hiahia kia mohio ai kei te pewhea taua ripoata, heaha ra i roa ai.

Te Karimana.—Kei te kai perehi taua ripoata erangi kei te nui rawa te mahi o taua tari, otiia ki tona mohio tera e oti i roto i te wiki e haere ake nei a ka tukua ki nga mema.