Wenerei, te 24 o Hune, 1891.
Wi Katene me Etahi Atu.

Ko Kapa.—Patai ana ki te Minita Maori mehema ka whakamana e te Kawanatanga te ripoata i whakataua e te Komiti Maori i te 21 o Hurae, 1886, mo runga mo te pitihana a Wiremu Katene me ona hoa 11,976? I penei hoki te ripoata ra kei te whakahe a Wiremu Katene me ona hoa kai pitihana 11,976 mo a ratou mahinga ika, pipi tio kua whakakinongia e nga Pakeha i te mahinga i nga taone i Akarana me era atu wahi. I whakapumautia hoki enei taonga katoa kia ratou i raro i te Tiriti o Waitangi i te tau 1840, a e inoi ana nga kaipitihana kia whakahokia enei wahi kia ratou. Ki te titiro a tenei Komiti tera e nui haere enei tu raruraru ana haere nui te mahi whakanohonoho i nga taha moana na reira e mahara ana te Komiti kia hohoro te Kawanatanga ki te kimi ritenga mo enei mea katoa kia whakataua tika tia nga mana a nga Maori. Me anga atu hoki te titiro a te Kawanatanga ki nga whai korero a Hakuene i whakapuaki ai ki te aroaro o te Komiti, hei tohu ia mo te whakaro nui a te iwi Maori ki enei taonga a ratou.

Te Karimana he take nui rawa atu tenei a e kore e taea te whakaoti i te wa e noho ana te Paremete, kia mutu ra ano ka tahuri te Kawanatanga ki te whakaoti pai he tikanga e mutu ai enei raruraru.