.gif)
Nga Korero Paramete: 1891-1895
Paraire, te 19 o Hune, 1891
Paraire, te 19 o Hune, 1891.
Nga Kaiwhakamaori I Nga Takiwa Maori.
Taipua.—Patai ana ki te Minita mo nga Ture mehemea ka whakaritea e ia he kaiwhakamaori mo roto mo nga Kooti a nga Kaiwhakawa Taturu kei nga Takiwa Maori me te whakatu hoki i tetahi kaiwhakamaori mo te Kooti ki Otaki? Nui atu hoki te mate o nga Maori e whai keehi ana ki aua Kooti me te pau nui o a ratou moni i te utunga i nga kaiwhakamaori i nga roia hoki. I mua na te Kawanatanga ano i utu nga kaiwhakamaori otiia inaianei e waiho ana ma nga Maori ratou e utu. Kua rongo ahau kei te utu te Kawanatanga i nga kaiwhakamaori i era atu takiwa katoa. He pai ano mehemea ka whakaturia e te Kawanatanga nga tangata mohio ki te reo Maori kei Kaiwhakawa.
Te Riiwi.—Kei te ahua pohehe pea te patai nei. Kaore he ritenga hou o naianei. Kei nga keehi hara kirimina ma te Kawanatanga e utu i te kaiwhakamaori, a kei nga keehi rawaho ma ia tangata ano e utu i tana kaiwhakamaori. Tetahi kimi a te Kawanatanga kia mohio nga karaka ki te reo Maori ko ratou ano hei kaiwhakamaori mo te Kooti. Mehemea e waiho ana ma te Kawanatanga anake e utu i nga kaiwhakamori katoa, he nui atu te moni e pau. Mehemea tera he mate kei tetahi takiwa mana e kimi ana tohutohu mai te honore mema nana te patai.
Ateha Maori Ki Te Waipounamu.
Tame Parata.—Patai ana mei kore te Kawanatanga e whakaae ki te whakatu i etahi Ateha kia noho ki roto ki nga Kooti Whakawa Tuturu o Te Waipounamu.
Te Karimana.—Kua oti te whakaaro o te Kawanatanga kia whakatikaia te rarangi ingoa o nga Ateha, a kei taua wa mahara ai me whakatu pea he Ateha hou.
Nga Komihana Ture Whenua Maori.
Te Taipua.—Patai ana ki te Minita
page 13
Maori ko awhea whakamaoritia te ripoata o nga Komihana kia kitea e nga Maori katoa, a ko awhea hoki homai ai i nga korero ki te whare?
Te Karimana.—Meake nei oti ai te whakamaori me te perehi, hei reira homai ai ki te Whare.
Nga Kura Maori.
R. Tamihana.—Patai ana mehemea ka whakaae te Minita o nga kura ki te tuku atu te mana whakahaere o nga kura Maori ki nga Poari.
Te Riiwi.—Kei te hurihuri te Kawanatanga i taua ritenga erangi kaore ano kia oti kei te ahua uaua taua mea tetahi, kahore pea nga Maori e pai.