Nga Korero Paramete: 1886-1890
Taite, te 4 o Hepetema, 1890
Taite, te 4 o Hepetema, 1890.
Mangaohane Poraka.
Te Moka.—I tukuna mai te ripoata a te Komiti Mo Nga Mea Maori mo runga i te pitihana a Winiata te Wharo me etahi atu, i inoi kia hanga he Ture kia ahei ai te Kooti Whenua Maori te whakawa tuarua i Mangaohane Poraka. I penei hoki te ripoata a taua Komiti, ki te whakaaro o tenei Komiti kihai i tino nui nga take i korerotia mai e nga kai-pitihana e ahei ai te Komiti te tono kia hanga he ture.
Tame Parata.—E tautoko ana ahau i nga whakaaro a Ta Hori Kerei kia ahei ai nga taha e rua te ata whiriwhiri i tenei keehi, me whakaaro hoki te Whare ki tenei i tukua mai ano tetahi keehi penei hei whiriwhiri mo te Whare a taua iho ana te tika ki nga taha e rua, na reira ahau i mea ai me nuku tenei keehi kia tino uiuia kia ahei te kite ko tehea te taha i tika.
Pootitia ana kia whakahokia ki te Komiti kia mahia tuaruatia. Hinga ana te motini pera.
Taone O Rotorua.
Taiwhanga.—E patai atu ana ahau ki te Minita Maori a whea tukukua mai ai nga pukapuka ki te Whare mo runga i te hoko o te Taone o Rotorua? Ki taka mohio kei te takoto ano nga pukapuka i runga i te tepu o te Whare erangi e hiahia ana ahau kia whakaae mai te Minita Maori kia perehitia kia tuhatuhaina.
Te Miterehana.—Me ki atu ahau ka rua nga rangi i takoto ai aua pukapuka i runga i te tepu o te Whare a kahore e pai ana te Kawanatanga kia perehitia.