Ture Whakawhanui I Nga Turanga Kura Maori.

Te Hirope.—Ko te tikanga o tenei Pire he mea hei karo i tetahi raruraru i ara mai i runga i nga take o te Ture Turanga Kura Maori ara i runga i te tukunga a te hunga whai take i o ratou take i raro i tetahi tiaki motuhake a ma te whakawa anake i roto i te Kooti Hupirimi e ahei ai te whakarereke i taua tiaki, a ko nga tikanga o tenei Pire hei whakakore i aua whakawa, a ma konei hoki e ahei ai nga Poari Kura te whiwhi ki nga take o aua whenua me te tuku atu ano hoki i te tika ki te hunganana i tuku i aua whenua.

Tame Parata.—Kahore ano tenei Pire i whakamaoritia, a i te mea e meatia ana ma tenei Pire e whakahaere i nga Rahui Maori, ka tono atu ahau ki te mema nana i tuku mai i tenei Pire kia nukuhia te korerotanga no te mea kahore etahi o nga mema Maori i konei. E tino mohio ana ahau tera e tahi o aua mema e hiahia ki te korero mo runga i tenei Pire. E motini ana ahau kia nukuhia te korero. Heoi nukuhia ana te korerotanga.