Nga Korero Paramete: 1886-1890
Mangatainoka Poraka
Mangatainoka Poraka.
Timi Kara.—E patai atu ana ahau ki te Minita, Maori, mehemea ka tono ia kia unuhia tonutia inaianei te Panui i runga i Mangatainoka 1bc No. 2 Poraka, i runga i te mea kua oti rawa nga take a te Karauna ki taua Poraka? Kei te hiahia nga Maori whai take ki te riihi ki te Pakeha, erangi e araia ana ratou e te Panui a te Kawanatanga i runga i taua poraka. Na i te mea kua rite nga take a te Kawanatanga kahore ahau e kite i te take kia mau tonu taua Panui i runga i taua poraka.
Te Miterehana.—Ko taku whakahoki atu tenei ka tae mai nga whakaatu o nga wahi i tangohia mo te reriwe ka unuhia tonutia nga Panui i runga i taua whenua.