Taite, te 24 o Hurae, 1890.
Nga Rahui Whakanohonoho Tai Hauauru.

Hoani Taipua.—Motini ana kia whakatakototia ki te aroaro o te Whare tetahi ritana ara he pukapuka e whakaatu ana—(1) kia whakaaturia nga ingoa o nga kai riihi i raro i nga riihi kua whakamana i te Takiwa o nga Rahui Whakanohonoho o te Tai Hauauru, nga eka i raro ia kai riihi kua whakamana, me te moni o te riihi tawhito, me te moni o te rihii hou i raro i te mahi Apitereihana; (2) kia whakaaturia nga eka o ia riihi kua tukua e te Kai-tiaki o te katoa (haunga nga riihi kua whakamana) te moni reti mo ia riihi, te moni kua whakahokia iho, me nga tau; (3) kia whakaaturia nga moni reti e tureiti ana. Mehemea e hapa ana te moni reti o etahi o aua riihi, ahakoa he riihi kua whakamana, riihi pewhea ranei, me te roa o te wa e takoto nama ana aua moni, me te whakaatu mai hoki mehemea i hamenetia te hunga kaore i utu i nga reti o a ratou riihi.

Te Matene.–Tono ana kia apititia atu ki tera i runga ake tetahi pukapuka e whakaatu mai ana i era atu riihi o nga rahui Mari e wohakahaerea ana e te Kai-tiaki o te Katoa kei te taha Hauauru o tenei motu, kua oti te tuku e taua Kai-tiaki me nga tau me nga whakaritenga mo nga whakapainga Ma utua, kia whakahoutia pewhea ranei.

Whakaaetia ana enei motini e rua.