Paraire, te 18 o Hurae, 1890.
Papamoa Poraka Tauranga.

Te Kere.—Patai ana ki te Minita, ko awhea whakaotia te whai paanga o te Karauna ki taua poraka i te mea he whenua pai tera kia whakanohoia he tangata ki runga?

Te Miterehana.—Kei te hoko hea te apiha o te Kawanatanga i taua takiwa otiia e mohio ana te kai patai he nui te raruraru i tau ki runga ki te Kawanatanga mo tenei mea i raro i te mahi kino a tetahi kaiwhakahaere Pakeha, he hoatu moni ki nga tangata ke noa atu kaore nei i whai paanga ki te whenua, a mau ana taua tangata me tetahi Maori ki te whare herehere. He nui nga hea kua hokona e te Kawanatanga, a mehemea kua mutu te hiahia hoko a nga Maori, ka wahia te whai paanga o te Karauna, ka tukua atu ki te Tari Whenua kia wehewehea, kia whakanohoia; erangi ka haere tonu te hoko a te Kawanatanga, otiia, e tino taimaha ana te utu i whakaritea mo taua whenua, ara te 10, mo te eka.