Wenerei, te 30 o Hepetema, 1890.

Whakataunga a te Komiti Mo Nga Mea Maori O Te Kaunihera mo runga mo te Pitihana Nama 17 a Marara E. Ngahiwi ma.

Ko te Komiti mo nga mea Maori i tukuna atu nei ki a ratou te Pitihana a M. E. Ngahiwi e whakatau penei ana, ara: —

E inoi ana nga kaipitihana kia whakahokia atu ki a ratou etahi whenua i Opo-tiki, ko to ratou take e ki ana ratou ko Harata te Aupiro, i mahue atu ra i a ia taua whenua i era atu whakatupuranga.

I runga i ta te Komiti i ahei ai ki te kimi, kei roto taua whenua i nga rohe o te Raupatu, ko te mea tika ia ma nga kaipitihana me i tono ratou ki te Kooti Whakarite i tu ra ki Opotiki i te tau 1887, me te tau 1888; tetahi hoki me-hemea he uri nga kaipitihana no tetahi wahine i riro herehere i a Ngapuhi i mua, kua tae nei ki te whitu tekau tau o tona rironga atu, e kore pea e maharatia e te Kooti he take ano to ratou.

Noreira ka kore he kupu atu a te Komiti.