Weneri, te 17 Hepetema o 1890.
Ture Whakatikatika I Nga Ture Whenua Maori.

No te taenga atu o te touo a te Whare o Raro kia tukuna atu etahi mema o te Kaunihera kia korero tahi ratou ko etahi mema o te Whare o Raro mo runga mo nga rarangi o taua Ture i patua ra e te Kaunihera, kia whakaatu mai ratou i nga take i hiahia-tia ai kia tu ano aua rarangi; katahi a Te Witika ko motini kia tukuna atu a Te Paratini a Meiha Wahawaha me Te Wiremu hei kaiwhakahaere mo te taha ki te Kaunihera kia hui tahi ratou ko nga kaiwhakahaere o te Whare o Raro ki te whiriwhiri i aua rarangi o taua Pire.

Meiha Wahawaha.—Tera ano pea e pai kia whakaaetia atu te tono a tera whare, mehemea ka whakaae mai hoki ratou kia patua ano te tekihana 10. He take ano i hiahia ai au kia whakakorea taua tekihana. E mea ana hoki ka ahei te Kooti ki te roherohe i nga whenua, ahakoa kaore e hiahia ana nga Maori kia roherohea.

Te Matara.—E motini atu ana au kia nekehia tenei korero.

H. K. Taiaroa.—Ko taku whakahe mo tenei hui o nga Kaiwhakahaere o nga Whare e rua, ko te tata o te mutu o te Paremete, e kore e taea e ratou i te poto o te wa hei mahinga. E mohiotia ana ano ko tenei Pire he mea tuku mai i runga i te tono a etahi tangata e hiahia ana ki te hoko whenua Maori, a na ratou i whakahaere he tikanga i tono ai ano te Kawanatanga kia whakaurua ano aua rarangi. Ka tautoko au i te motini kia nukuhia te korero.

Pootitia ana, nukuhia ana te korero mo te wiki kotahi.

No muri ka tonoa ano e te Whare o Raro kia mana ano taua Pire i runga i tona ahua i mahia ai e te Kaunihera, a whakaaetia ana.