Turei, te 9 o Hurae, 1889.
Nga Ateha Maori.

Taipua.—Patai ana ki te Minita Maori mei kore te Kawanatanga e ata whakaaro mo te tika kia utua ki nga Ateha Maori o te Kooti Whenua Maori tetahi utu e rite ana ia ratou e mahi ana i nga mahi o te Kooti. Ma to utu hoki kia tika ka tupono ki nga tino tangata pai mo tena mahi. Kua mauria mai e ia tenei putake hei titiro ma te Kawanatanga, i te mea hoki ki tana whakaaro, kaore i te noho tika nga Ateha. Kua tae mai hoki he reta i etahi o aua tangata e whakaatu mai ana, kaore e ea a ratou nama i nga hotera me era atu mea ia ratou e haere ana ki nga Kooti, i te iti rawa o a, ratou utu. A ahakoa e rite tonu ana ta ratou mahi te nui me te taimaha ki to nga Tiati, e utua ana ratou ki te utu paku rawa. I etahi whakawa, ka mutu katoa nga korero a nga kai kereme, ka noho te Tiata, ka haere te Ateha ki te mataki taki haere i nga tohu kua korerotia ra kei runga i te whenua. Haere ana taua tangata ki runga maunga, pau atu pea te wiki kotahi. Ka he mahi nui ano tenei, otiia kotahi tonu pauna e hoatu ana ki aia mo te ra. Tena ia ko te Tiati, e £500 i te tau, me te £1 mo te ra hei apiti. No runga i te tino rereketanga o aua utu, koina te take i patai ia ki te Kawanatanga mei kore e taea te whakaneke i ta ratou utu. Kia whiriwhiria hoki he tino tangata whai matauranga. A ki te kore te Kawanata nga e pai, kati pea me kore atu nga Ateha.

Te Pakuha. — E tika ana tenei patai. E tino mohiotia kei te iti rawa te utu mo etahi o nga Ateha, a kei te whakaaroaro te Kawanatanga inaianei mei kore e taea te whaka rahi ake, ahakoa iti noa te tapiritanga.