Other formats

    TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paramete: 1886-1890

Paraire, te 28 o Hune, 1899

Paraire, te 28 o Hune, 1899.

Taone I Oraka.

Tame Parata.—E patai atu ana ahau ki te Minita mo te taha Maori mehemea ka pai te Kawanatanga ki te tuku mai i tetahi Pire hei whakamana i te whakaaetanga o etahi tekiona whenua kia Kararaina Hauere i roto o te Taone o Oraka?

Te Miterehana.—Ekore te Kawanatanga e tuku Pire mai mo runga i taua take inaianei no te mea e hiahia ana ratou kia whiriwhiria ano taua mea, ko tenei kahore ano i kitea e ahau i puta tetahi whakaaetanga. He tika ano ia i tae tena rangatira kia te Make te Komihana o nga Rahui Maori, a i mea mai a te Make kahore ana whakahe, erangi i mea ia ma te Tari Whenua Karauna taua take e whakahaere. E kiia ana i karaatitia taua whenua i roto i tetahi takiwa i runga ano i te touo a taua wahine a nana ano i whiriwhiri taua whenua, a ki te tukuna taua wahino e te Kawanatanga kia whakarerea taua whenua i whiriwhiria e ia, me tuku kia whiriwhiria e ia tetahi atu whenua ka ara mai tetahi huarahi raruraru a ka waiho tonu taua huarahi hei huarahi tono ma etahi atu Maori. E hara ia taku i te mea ka whakakorea rawatia te tono a taua wahine, erangi ka tukua ano e au tetahi patai mo runga i taua mea, a ka tuku atu i te tukunga iho o taua patai ki te rangatira na.

Moni O Te Koroni.

Taiwhanga.—Ki taku whakaaro me tuku tenei wahi o nga etemete ara o nga moni kia paahi, me kaua e whai kupu e monou hoki i te taima o te Whare ki te korero mo aua moni. E whakahe ana ahau ki te tikanga e ineatia nei kia whakaitia iho nga utu ma te hunga e iti ana nga utu, erangi ka awhinatia e ahau te whakahoki iho i nga utu ma te hunga e nui rawa ana nga utu.