Other formats

    TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paramete: 1886-1890

Taite, te 27 o Hune, 1889. — Pire Whakarite Moni

Taite, te 27 o Hune, 1889.
Pire Whakarite Moni.

Tame Parata. — Ko taku kupu tenei i te mea kua whai kupu uga mema katoa o nga taha e rua o te Whare mo runga i tenei take, e hiahia ana hoki ahau ki te whakapuaki i etahi kupu, i te tunga o tenei Kawanatanga ko ta ratou mahi tuatahi ko te whakahoki iho i nga utu o te hunga e mahi ana i roto i nga tini Tari a te Kawanatanga, me te whakahoki iho i nga utu ma nga mema o te Paremete, na te aue ia o te iwi kia whukahokia iho te whakapau o nga moni i penei ai ratou. I kite ahau i tenei ahiahi e meatia ana kia whakatuturutia te utu ma te Rata Makereka ki te £1,200 pauna mo te tau. Heoi ka patai atu ahau he pehea te tikanga i penei te whakangawari o nga tikanga ki taua Rata i te mea kua wkakahokia iho nga utu a, nga tangata e rite tonu ana to ratou matauranga ki tona. Tera ano etahi tangata mahi Kawanatanga e pera ana ano te nui o to ratou matauranga heoi kihai i peratia nga tikanga ki a ratou, ki taku mahara mehemea ka whakahokia iho te utu o tetahi tangata me whakahoki iho te utu o te katoa. Me rite tonu te whakahokinga iho o ia tangata o ia tangata a puta noa nga tangata katoa mahi pera. Ka pooti ano ahau kia whakahokia iho te utu ma taua hunga. Ki taku mahara. mehemea ka pooti tatou kia whakahokia iho aua utu he whakamana tenei na tatou i te hiahia o te tokomaha. Na mo runga i te tikanga e meatia nei kia whakatuturutia he mahi ma taua Rata mo nga tau e rima. e mea ana ahau me ata whiriwhiri marire taua mea e te Komiti, me tupato ano hoki kei waiho taua huarahi hei huarahi tono mo era atu kaimahi katoa o te Kawanatauga. Tenei ano hoki tetahi mea hei whakaatu maku ki te Whare, ki te puta te whakaaro o te Whare a muri nei kia pena atu auo te whakahokinga iho o nga utu mo ana kaimahi ekore e taea te whakahoki iho, ara ki te whakaaetia te tikanga a te Kawanatanga e mea nei kia kaua e whakahokia iho nga utu ma taua Rata. E whakahe ana ahau ki tenei tikanga page 11kia riro ko tatou hei punga whakamana i te mahi ma taua Rata mo nga tau e rima, ekore hoki ahau e ki ko taua Rata anake te tangata mohio hei tango mai mo taua mahi. Ki taku mohio he maha nga tangata kei te rite to ratou matauranga a e watea ana ki te mahi a taua tangata pootitia ana, whakaaetia ana te £1,200 mo taua tangata.