Title: Nga Korero Paramete: 1886-1890

Author: New Zealand Parliament, Legislative Council

Part of: He reo ture nō te taha Kāwana / Language of the Crown

Conditions of use

Share:

Nga Take Whenua I Mokau.

Taiwhanga.—Ko ahau ano tetahi o nga mema o te Komiti mo nga Mea Maori nana i whiriwhiri i aua keehi e rua. I whakatika ake ahau ki te tautoko e te motini a te mema nei, no te mea mehemea e whakaeangia ana te mate o Teone. He aha i kore ai ki etahi atu? E mohio ana tatou katoa na te Kooti Whenua Maori i whakawa i enei keehi i mua. Kei te mea te Paremete inaianei ki te whakatikatika i te Ture Kooti Whenua Maori i naianei; erangi ia i te mea e whakamatau ana te Paremete ki te whakatikatika i taua Ture e he haere ana i nga Paremete katoa. Na konei hoki i tau ai te raruraru ki nga Maori raua ko te Pakeha, ko taku i hiahia ai ki tau te tika ki waenganui i nga tangata katoa e whakahaere ana i enei keehi. Kahore ano ahau kia whakapono ki nga mahi a te Komiti mo nga Mea Maori. Kahore ano hoki ki nga Tiati me te Kooti Whenua Maori. Kua roa ahau e whakaaro ana, kia ata tirohia e te Kawanatanga tenei (ara) ki te tukuna te tika ki tetahi me tuku ki te katoa.