Kape Pitihana Maori.

Taipua. — I mea e tautoko ana ahau i te motiui a te mema Maori o te Takiwa whakararo, ki taku whakaaro e tika ana kia riro he kape o te pitihana i taua mema. He mate ano hoki to Ngatiraukawa, a e hiahiatia ana taua kape hei whakaora i to ratou mate. Ki taku whakaaro me kaua te Kawana tanga e kaiponu i taua kape:, kaua hoki ratou e arai i te huarahi e tau ai te tika, ki te iwi, mehemea na nga tangata o waho i whakaeke te mate ki runga ki aua tangata kahore he take e pa atu ai te Kawanatanga. Otira e kitea ana na nga mahi a te Kawanatanga i pa ai nga mate e whakahuatia ra e aua tangata, ehara i te mea tika kia araia te huarahi kimi i te ora i aua tangata no te mea e whakaaro ana ratou ko te Kawanatangata te matua o nga iwi e rua.

Taiwhanga.—Ko te take i kokiritia ai e ahau tenei motini he mea kei pau nga moni o te koroni, heoi hoki taku i hiahia ai maku tonu e tuhituhi he kape maku, na reria hoki i tukua ai e ahau taku motini ki runga i te ota pepa. E rua nga kaiwhaki e hiahiatia ana mo runga i tenei keehi kua mate ara ko Ta Tanara Makarini me te Hiana a e hiahiatia ana kia kitea a raua korero, kahore aku hiahia ki te hamene i te Kawanatanga erangi e hiahia ana ahau kia tukua tetahi tikanga ki nga rangatira Maori hei whakaea i nga whakaaetanga a te Makarini ka tekau nei nga tau e takoto ana. E hiahia ana ahau kia whakaeangia to ratou mate i runga i te whakanoho i a ratou ki runga i to ratou whenua i Maketu. I pitihana ano ratou i nga tau 1883 me te 1884 a i pai te whakataunga a te Komiti mo nga Mea Maori me te Komiti Maori hoki o te tau kua hori nei a hei ahatanga ra, inahoki kahore te Kawanatanga e whakaae ki te tuku mai i te kape o taua pitihana. I haere ano ahau ki taku roia i tae nei ki te aroaro o te Komiti Maori, a ki mai ana ia heoi te tikanga e takoto ana ki a matou me tuku ma te Ture e whakawa otira kahore e taea e matou te tuku ki te Kooti Hupirimi no te mea page 23ma te whakaara ano i a te Makarini raua ko te Hiana i te mate te taea ai. Heoi taku i tono ai kia tukuna ahau taku karaka ranei ki te tuhi i tetahi kape maku o aua pukapuka, no konei ka pootitia.

E nga Ae, 25; nga No, 40.

Hinga ana taua motini.