Mahi Patu Kekeno.

Tame Parata.—Patai ana ki te; Pirimia, Mehemea ka whakaae te Kawanatanga ki te whakapuare te takiwa patu kekeno i tenei tau ? Ko nga Maori e noho ana kei Te Waipounamu, he nui ta ratou hiahia kia mohiotia ia ko awhea whakatuwheratia taua mahi. I ki hoki te minita mo nga Moana i tera tau, tera te Kawanatanga e ata hurihuri i muri uga ritenga o tenei mahi. E patai ana ia mo te taha ki nga tangata e wkakawhirinaki ana ki tenei miahi hei oranga ma ratou. A he mea nui rawa tenei kia ratou. Kaore rawa he whakaaro penei a ana tangata, me takahi te Ture, kore rawa he mahara pera a ratou, erangi e tatari ana ratou i runga i te ngakau humarie, manawanui ki te wa e ahei ai ratou te mahi i raro i te Ture. A i te mea, kua nui nga tau e tutakina ana te patu kekeno, kua hua pea aua mea inaianei.

Ta Hare Atikini—Kaore i marama te titiro a te Kawanatanga kia whakapuaretia taua mahi inainei, ara i tenei tau. Meake nei ka mauria mai e ia tetahi Pire hei whakawhanui te mana whakahaere a te Kawanatanga mo tenei mea.