Turei, te 29 o Mei, 1888.
Nga Urupa Maori.

Taipua.—E patai atu ana ahau ki te Minita Maori mehemea ka tahuri ratou inaianei ano ki te whakahaere i tetahi tikanga hei arai i te mahi taka kino i nga urupa Maori e te hunga mahi i nga mahi nunui e nga poari takiwa hoki? E hiahia ana ahau kia mohio atu he pehea te whakaaro a te Kawanatanga mo runga i aua urupa (ara) nga urupa kua whakatipungia ki te rakau. Ko aua wahi kei te tangohia e te hunga o nga mahi nunui e nga poari takiwa hoki hei hanga rori reriwe hoki. E hiahia ana ahau kia whakaaturia mai e te Minita Maori he pehea te Ture mo runga i taua take.

Te Meterehana.—Kihai taua take i whakaaturia mai ki te Kawanatanga i mua, erangi ki te mea ka kitea e ahau he tika nga korero a te rangatira na ka whai tikanga ahau me te ke atu ki te rangatira na i te huarahi whakahaere mo taua mea.