page 95

Turei, te 28 o Akuhata, 1888.
Mokau-Mohakatino Pire.

Taipua. — E whakaaro ana ahau ehara tenei Pire i te Pire pai mo te taha ki te hunga whai take ki te whenua, a ka tono atu ahau ki te Whare kia nukuhia te korerotanga mo apopo kia ahei ai te tuku kia whakamaoritia te Pire. E tono atu ana hoki ahau kia whakamaoritia nga menemana e meatia ana kia whakaurua ki roto i tenei Pire. Ko tetahi hoki tenei o nga ture o tenei Whare ko nga Pire katoa e pa ana ki te iwi Maori me whakamaori. Ko nga mema e mohio ana ki te korero Pakeha he matauranga tena e koni ake ana i toku. Ko toku kitenga tuatahi tenei i tenei Pire. Ko ahau te mema o nga tangata e whai take ana ki taua whenua. A e tono ana ahau mo runga i te taha ki a ratou kia whakamaoritia tenei Pire, kia mohio ai ratou. He take nui tenei, e uaua rawa ana nga rarangi o tenei Pire, no reira i tono atu ai ahau kia nukuhia te korerotanga.

Te Tumuaki.—E tika anano te tono a te mema na kia whakamaoritia te Pire nei. E tika ana i runga i te Ota o te Whare. Nama 366 e mea nei ko nga Pire e tukuna mai ana ki te Whare a e pa ana ki nga Maori me whakamaori kia mohiotia ai.

Taipua.—Ka motini ahau kia nukuhia te korero o tenei Pire mo apopo. Heoi nukuhia ana.