Other formats

    TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paramete: 1886-1890

Rarangi 28

Rarangi 28.

Tame Paeata. —E pai ana kia uiuia nga poraka e raruraru ana. Otiia kua oti te hurihuri e nga Komiti Whiriwhiri o ia Whare mo nga pitihana tono whakawa tuarua mo Te Ngarara Poraka, a kitea ana, he nui rawa te mate i pa ki nga kai pitihana, na reira e tika ana kia whakawakia tuaruatia. Na mo Porangahau. Kua oti pai tena poraka te wehewehe, kaore i te rite ki Te Ngarara. Kua kitea hoki e 4, eka tonu i whakataua ki etahi tangata. He tino he rawu atu tenei, i te mea he poraka nui. Mehemea kei Te Waipounanm, ka ahua penei. Otiia, i wehea. E Te Matara 12, eka mo te tangata. Kore rawa i iti rawa tae iho ki te 4 eka. Na i haere atu nga tangata Maori o tenei motu ka moe ki o matou wahine, a hoatu ana e matou e 12 eka ki aua tangata, pena tonu me o matou. Ahakoa he whenua iti noa iho o matou, he iwi aroha te Maori. He mahi tahae rawa te hoatutanga kia 4 eka tonu mo etahi tangata i Te Ngarara. Inahoki, i noho tonu nga kaipitihana ki reira, kei reira hoki a ratou tupapaku e takoto ana, me a ratou mahinga kai. Ehara i te mea e whakapae ana nga kaipitihana ki a wai. Kaore, e tono kau ana kia whakaaetia te whakawatuarua, i te mea kihai ratou i whai takiwa kia whakapuakina a ratou korero katoa. I whakawhirinaki nga kaipitihana kia Wi Parata hei tiaki i te taha kia ratou i te tau 1873, a koia hoki te kaiwhakahaere mo Ngatiawa.

Whakaurua ana he rarangi kia kaua e hokona enei whenua i inaianei.

Nga Kaiwhaka Maori.

Timi Kara.—E tautoko ana ahau i tenei rarangi. E tona ana hoki etahi o nga Kaiwhakamaori kia uru tenei rarangi.

Taipua.—E tino hiahia ana ahau kia whakamutua katoatia nga raihana a nga Kaiwhakamaori, a me tuku atu he raihana hou amuri ake nei ki nga tangata anake e tika ana, ki nga tangata pai, kaore ano kia ingoa kinotia. Kei te mohio ahau ki etahi o aua tangata nei, kaore i te mohio ki te whakamaori i nga pukapuka, me te tuhi tuhi. Tera e pa he mate nui ki nga Maori mehemea ka tukua he raihana ki nga tangata mahi tahae. Me pera hoki te tikanga mo nga Ateha; me tuku raihana kia ratou, me waiho ranei ma te iwi Maori ratou e pooti. He rarangi pai rawa tenei ki au.

Paahitia ana.