Nga Korero Paramete: 1886-1890
Paraire, te 17 o Akuhata, 1888
Paraire, te 17 o Akuhata, 1888.
Erueti Te Hu.
Tame Parata.—Ka patai ki te Minita Arai Whawhai mehemea kua oti tana hurihuri i te reta a Eruera Te Hu e tono ana i te £50, hei utu mo nga eka e whitu i Taiaroa Otago, kua tangohia e te Kawanatanga hei pa purepo?
Te Pakuha.-E tika ana te patai. Kua whakaaetia noatia atu taua moni, a na te rarangi o te Ture i arai, a tera pea e tonoa te kai tono kia matua haere ia ki roto: ki tetahi Kooti Whakarite Utu i te tuatahi Otiia e kore te Kawanatanga e whakaroa, erangi ka utua tikatia taua moni.
Nga Take Maori O Te Waipounamu.
Tame Parata.—E patai ana ahau ki te Minita Maori, koawhea ra oti ai te whakamaori i te Ripoata a Te Make page 89Komihana, mo nga kereme a nga Maori o Te Waipounamu?
Te Miterehana.—Kua oti noa atu taku ki atu ki te mema ra, he mahi nui rawa tenei. Tetahi kua whakamutua te nuinga o nga Apiha o te Kawanatanga. Na reira e kore e oti wawe taua mahi, kei te mahi tonu nga apiha ki te whakamaori i roto i nga taima watea, a tera e oti tana Ripoata i muri tata pea o te mutunga o te Paramete, a ka tukua atu he kape ki te honore mema nana tenei patai.