Nga Take Maori.

Tame Parata.—E patai atu ana ahau ki te Minita Maori a hea watea ai a te Make ki te tuku mai i nga pukapuka whakaoti i nga take o nga tini tekiona me nga poraka whenua i whakawakia e ia i te tau 1886 me te tau 1887. Ka maha nga pukapuka kua tae mai ki ahau a nga Maori o te Waipounamu e ui ana a hea puta ai nga tiwhikete mo nga whenua i whakawakia e te Make, inahoki i timataia e te Make tana mahi i ie tau 1886, a i haere tonu tana mahi i ia wa a taea noatia tenei wa a kahore ano taua mahi i whakaotia. E hiahia ana nga Maori kia rongo kei te pehea aua mea. I te mahi a te Make ma te Kawanatanga i te Waipounamu, a kua tangohia ia e te Kawanatanga i te Waipounamu a kua tukuna tetahi mahi mana i Aotearoa, no reira kahore i oti nga take a nga Maori o te Waipounamu. Na te whakaroa i ara ai nga raruraru i ia wa. Mehemea e timataia ana te mahi a ka mahi haere tonu a taea noatia te mutunga, katahi ka pai. E rangi mehemea ka whakaroaina te mahi, katahi ka ara nga raruraru. Ki te tukuna atu ma etahi atu e mahi kotahi ka araia te otinga paitanga e te porori haere o te mahi. Ko taku i hiahia ai kia whakamana e te Kawanatanga te inoi a nga Maori o te Waipounamu me te whakahaere i tetahi huarahi e oti pai ai enei take.

Te Miterehana.—I muri iho i te maunga o to patai ki runga i te Ota Pepa kahore ano ahau i ahei te kite i a te Make no te mea kei te raruraru ia i te Kooti Whenua Maori i Kereitaone; erangi i te tuku pukapuka ahau ki aia, a tukua mai ana e ia tana waea me te ki penei mai. "Kua oti katoa te tuku nga pukapuka i mohio ai ia." A ki te mohio o nga tangata o te Tari kahore he pukapuka ke atu e taea te tuku atu hei whakatakoto ki runga i te tepu o te Whare, erangi ki te tae mai a te Make i Kereitaone ka pa atu ahau ki a ia mo runga i tenei take kia wawe ai te oti.