Wenerei, te 20 o Hune, 1888.
Nga Take Maori O Te Waipounamu.

Tame Parata.—E patai atu ana ahau ki te Minita Maori ahea oti ai te whakamaoritanga o te ripoata a te Make mo nga take Maori o te Waipounamu? Ka maha nga pukapuka a nga Maori o te Waipounamu kua tae mai ki ahau e tono ana kia tukuna atu he whakamaoritanga o taua ripoata ki a ratou.

Te Miterehana.—He ripoata roa taua ripoata, a tera e nui te taima e pau i te whakamaoritanga. A i te mea e tokoiti ana nga kaiwhakamaori a te Kawanatanga me te nui o nga mahi hei mahi ma ratou, heoi me whakamaori e ratou ina watea ratou. Kei tetahi o aua kaiwhakamaori a te Kawanatanga taua ripoata inaianei a kei te pau katoa tona taima watea ki te whakamaori, otira e whakaaro ana ahau e kore e oti kia tae ra no ki te mutunga o te Paremete.