Hohua Hone.

Taiwhanga.—I mahara au kua makona te mema mo Kumara i runga i te whakaaetanga a te Whare kia whakaturia tetahi Kimihana hei whiriwhiri i nga mate Hohua Hone. Ka koa ahau mehemea e whakaturia ana kia kotahi kia rua ranei nga Komihana hei whiriwhiri i oku mate no te mea e neke ke ana oku mate i o Hone. E ono rau mano nga eka kua tangohia i au, a kore rawa he utu. I whakatakotoria tenei mate oku ki te aroaro o te Pirimia me te Minita Maori heoi kihai i tukua mai tetahi ora. I tangohia aua whenua i au i raro i nga tikanga o "The Immigration and Public Works Act, 1875." A i te tohe au i reira mai ra no kia utua aua poraka wheaua. E hiahia ana ahau hia whakaturia tetahi Kimihana maku kia rite ki ta Hone.

Taipua.—E hiahia ana ahau ki te whakapuaki i etahi kupu torutoru nei mo runga i tenei take no te mea e pa ana ki toku takiwa. E tino whakaae ana ahau kia whakaturia he Komihana hei whiriwhiri i taua take. Kua tae mai nga pukapuka a nga Maori no ratou te whenua ki au, e tono aua ratou kia tu tetahi whakawa mo runga i nga korero a Hone mo runga i taua whenua. E ahua noho raruraru ana taua iwi no te mea e panapana ana ratou i runga i taua whenua. Kua tuhituhi mai nga Maori ki au mo runga i tana take. Kihai au i mohio ka ara tetahi korero mo runga i tenei take inaianei penei kua mauria mai e ahau nga pukapuka i tae mai ki au. Kahore au e mohio ki te take i kore ai nga mema e whakaae kia whakaturia he Komihana hei whiriwhiri i tenei take. I te tono maua ko te mema Maori mo te Waiponnamu kia whakaturia tetahi Ateha a whakaae ana te Minita. E mahara ana ahau he mea tika kia whakaturia he Komihana, a me haere ki waenga i nga Maori whakawa ai kia rongo ai hoki ki nga korero a nga Maori no te mea kahore ano ratou i rongo ki nga korero ma runga i taua whenua. Mehemea e whiwhi ana nga Maori i te moni tera auo ratou e pai ki te haere mai ki konei whakawa ai. E whakaae ana ahau kia whakaturia e te Kawanatanga he Komihana kia haere ki taua takiwa whakawa ai.

Tame Parata.—E hiahia ana hoki ahau ki te tono kia whakaturia he Komihana hei whiriwhiri i tenei take. Ki taku mohio mehemea i whakaturia he Komiti e tenei Whare hei whakawa i taua take tera e whakawa i te taha kotalu ko tetahi taha ekore e whakarangona. Na konei ahau i mea ai me whakatu he Komihana kia ahei te ata whiriwhiri i taua take me etahi atu take o taua takiwa. E mohio ana no ahau he mate to Hone, otira e hiahia ana ahau kia whiriwhiria taua take, kia kite ai tatou ko wai e tika ana ko wai e he ana. Ko taku i hiahia ai kia whakaturia tetahi tangata tika tangata pono he tangata tahuri ki te ata whiriwhiri i nga mate o nga taha e rua. I rongo au i tae nga mema e toru te kau kia kite i te Minita Maori kia whakaturia he Komiha?na. Ki taku whakaaro hoki me whakatu tetahi Maori tika hei whiriwhiri mo te taha ki nga Maori. I tono ano te mema mo te Tai Hauauru ki te Minita Maori kia whakaturia he Ateha hei tautoko i te Komihana. He mea pai pea ma te Kawanatanga e whakatu tetahi Komihana a ma te hunga mate tetahi

Timi Kara. — Kahore au e tino page 32mohio ki nga take o tenei keehi. Erangi he nui nga take a nga Maori kei roto i te whenua e korerotia nei me taku ki atu ki te Kawanatanga kia tupato ta ratou whakahaere i tenei mea.