Nga Korero Paramete: 1886-1890
Turei, te 10 o Hurae, 1888. — Terepone I Uawa Ki Te Awanui
Turei, te 10 o Hurae,
1888.
Terepone I Uawa Ki Te
Awanui.
Meiha Ropata Wahawaha.— Ko taku patai tenei, ka whakaarohia ranei e te Kawanatanga mehemea e tika ana kia whakatoroa atu te waea terepone i Uawa ki Te Awanui? He patai naku mehemea ranei e kore e taea te tuku mai tenei ara hohoro ki nga Maori o taua takiwa kia rongo ai ratou ki nga mahi o waho a kia hohoro ai hoki ta ratou tuku kupu mai ki te Kawanatanga mo nga raruraru o to ratou takiwa, ahakoa raruraru whenua, tangata mate, kaipuke pakaru ranei. He whenua tuakau hoki tera e kore e mohiotia te pakarutanga o te kaipuke e rere ana ma reira. He maha nga kaipuke a nga Maori i tango ai, he maha nga mea i pakaru i te kore taunga kaipuke.