Paraire, te 11 o Nowema,1887.
Wi Tako Ngatata.

Te Miterehana.—E te Tumuaki. I mua o te haerenga o nga mahi i raro o te Ota Pepa mo tenei ra, e hiahia ana ahau ki a anga te titiro o tenei Whare ki te aitua kua pa ki tenei koroni me te Paremete hoki i runga i te matenga o Wi Tako, Mema o te Kaunihera. Ko taua tangata hoki; mai ano i te timata tanga o te koroni, he tino hoa pai ia, he tino kai tautoko, kai awhina, i tenei koroni. A he nui hoki ana mahi pai i te wa e pa ana he whawhai ki etahi wahi i runga i nga raruraru Maori. Kihai ahau i tino mohio ki tenei rangatira, engari kua rongo ahau i nga tangata e matau ana ki aia, he tino tangata pai ia. A e mohio ana ahau ka mihi aroha katoa nga mema o tenei Whare ki nga whanaunga o Wi Tako mo tenei aitua nui kua pa kia ratou. Kua tae mai hoki a ratou pawhiri ki nga mema o tenei Whare ki te Kaunihera hoki. Kia haere katou atu ki te tanumanga, a e tono ana ahau kia koutou katoa mo te taha ki te Kawanatanga Wa whakaritea e tatou a ratou hiahia. Kua whakaritea he tereina hei kawe atu i nga mema ki Pitoone a te ra e tanumia ai a Wi Tako, a ki te tupono ki te ra e noho ana tenei Whare, ka motini ahau kia whakanekeki hia kia watea ai nga mema ki te haere te kawe i to tatou hoa aroha ki te urupa.