Paraire, te 4 o Nowema,1887.
Pitihana Turaki I Te Mema Mo Waitotara.

Hirini Taiwhanga.—Ahakoa he Maori ahau kua kite ahau i roto i te nuipepa kua tukuna tetahi pitihana whakahe mo te pootitanga mai o te mema mo te Takiwa Maori o te Tai Rawhiti a kua takoto nga moni kotahi rau pauna, kaore e marama ki au te kupu a te mema mo Waitemata e ki nei kahore ia mohio kua tae mai he pitihana, kahore hoki au e mohio heaha i kore ai enei kupu e pa ki te pitihana whakahe ki te mema mo te Tai Rawhiti.

TE MOKA.—I mea, i runga i taku whakamarama atu mo te taha ki au. Me ki atu au kahore au i mea kahore au i mohio kua tae mai he pitihana whakahe mo te mema o te Tai Rawhiti, I ki ahau kahore i kitea e ahau enei korero i roto i te nuipepa.