Other formats

    TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paramete: 1886-1890

Rekiwe I Kamo Ki Te Kawakawa

Rekiwe I Kamo Ki Te Kawakawa.

Tame Parata.—E te Tumuaki e hiahia ana ahau ki te whai kupu mo runga i tenei Pire, te take he whakaaro noku tera e puta he painga ki nga Maori o Aotearoa i runga i tenei Reriwe, no reira ka tautoko ahau i tenei Pire. Otira ko te mea tika ma tatou me tono atu ki te Komihana kia tukuna mai he ripoata whakaatu i te utu o te whenua me era atu mea i te taha o te raina o taua reriwe, me te tatari ano tatou kia tae mai taua ripoata ka korero ai i taua Pire a tenei Paramete e haere ake nei. Ko tetahi mea hoki tera e taea te whakaatu mai i te maha o nga tangata e noho ana i reira. Kua ki mai te mema Maori mo Te Taha Whakararo he nui o ratou whenua kei taua takiwa hei tautoko i te hanga o taua reriwe, no reira e mahara ana ahau me pooti tatou kia korerotia tuaruatia tenei Pire, a ka waiho mo a tera Paramete, kia whiwhi ai tatou i etahi ripoata hei kaupapa korero. I konei ka tatauria nga mema o te Whare, a ka kitea kihai i whai mema te Whare Heoi ara ana te Whare i te rua te kau o nga miniti ki te tekau o nga haora.