.gif)
Nga Korero Paramete: 1886-1890
Reriwe I Kamo Ki Te Kawakawa
Reriwe I Kamo Ki Te Kawakawa.
Hirini Taiwhanga.—E te Tumuaki ai haere- mai ahau i te takiwa i puta ke ai tenei Pire, a e mohio ana ahau he mea tika kia hanga te reriwe ki reira me taku mahara ka whai hua ano tauareriwe.
page 37
He tika ano hoki na te Kawanatanga tera nehenehe a Puhipuhi, otira tera ano etahi nehenehe kei runga i te raina o taua reriwe hei whakanui i te mahi ma taua reriwe. E miharo ana ahau ki etahi mema e whakahe nei ki tenei reriwe, ki taku mahara ko te mea tika ma ratou kia tukuna kia hanga tenei reriwe a tae atu ki Pewhairangi ki tetahi o nga takiwa momona o Niu Tireni. He waro hoki kei reira he nui hoki nga tangata, tera e tae nga tangata o reira ki te toru tekau mano ara ki te huia tahi tia nga pakeha me nga Maori a kei te whakanui ano ratou i nga moni o te koroni a kei te utu hoki matou i te hanganga o nga reriwe i etahi atu takiwa, ko ta matou kihai hanga. Na konei matou i whakahe ai ki te utu i nga reti me nga takoha hei painga mo Tanitana me Karaititiati me Poneke me te kore rawa kia matou, ki taku whakaaro ko te mea tika ma matou kia kaua matou e atu i nga takoha me nga reti. E mahara ana hoki ahau tera ano e whai hua tenei reriwe iti, a tera ano hoki e puta he painga mo tetahi o enei takiwa a ko taku i hiahia ai kia paahi tenei Pire, a ko te mea tika ma nga mema o tenei Whare kia tautoko i a matou kia hanga tenei reriwe, no te mea kua tautoko nga Maori i a ratou i runga i etahi tikanga maha i roto i tenei Whare, ki taku whakaaro kia kotahi tonu te reriwe nui tonu mo te taha whakararo o Akarana. Mehemea kua paahi taku Pire, ara, te Pire whakaora Maori hei tuku i te mana o nga whenua Maori ki nga Maori tera e taea e matou te nama moni i runga i o matou whenua hei hanga i ta matou reriwe notemea kei a matou te nuinga o nga whenua o Aotearoa. Heaha hoki te take kia kore ai he reriwe ma matou pera ano me nga pakeha a ki te paahi tenei Pire ka whiwhi matou i te reriwe.