.gif)
Nga Korero Paramete: 1886-1890
Tini K. Taiaroa
Tini K. Taiaroa.
H K. Taiaroa.—Me whakamarama atu ahau i taku motini i tuku nei. I tukua ano te tono i roto i nga marama e toru kua whakaritea nei e te Kooti Whenua Maori, engari kaore ano kia tukua mai he pukapuka utu mai i taua tono. Mehemea ka titiro te Kaunihera i te kape o nga whaikorera i te aroaro o te Kooti, ka kitea i whakatikangia ano, na nga tangata whaitake ano i tuhituhi he pukapuka whakaae atu tono atu hoki ki nga kai-pitihana kia haere atu ki runga ki aua rahui; a i tono ano hoki nga tangata o aua rahui ki etahi o nga tangata o waho penei me nga kai-pitihana kia hoatu moni hei whakapai i aua rahui. I raro i te Ture o te tau 1865 i tukua aua rahui ki te hunga tahi tekau iti iho ranei, tukuna ana kia ratou me o ratou uri; a no te tau 1868 ka mahia ano he Ture hei whakahaere i aua. whehua kia whai paanga ai te hunga tika ki aua rahui. Mehemea ka tirohia te iwa o nga rarangi o "Te Ture Take Tika, 1886," ka kitea kaore i tika te mahi a te Kooti i aua rahui. I mea taua rarangi me whakamana nga whakaaetanga a nga Maori whaitake ki aua rahui. Ko te hunga i whakaritea mo ratou aua rahui kaore i te utua kia ratou nga moni reti o aua rahui i roto i nga tau e toru tekau kua pahure ake nei, i riro katoa i etahi atu tangata ke. I whakaurua atu nga tangata o etahi atu wahi ki roto ki aua rahui, a ko te hunga i mau i a Matara kihai i whakaurua. Otira me unu pea e au taku motini i runga i te whakama ki te iti o nga rahui i whakaritea e te Kawanatanga, kaore hoki e tae ki te whitu eka mo te tangata. Engari i au e unu nei i taku motini, e waiho atu ana e au ma te Kawahatanga e rapu tetahi tikanga mo runga mo aua take.
Unuhia ana te motini.