Other formats

    TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paramete: 1886-1890

Paraire, te 20 o Mei,1887. — Nga Maori O Rapaki

Paraire, te 20 o Mei,1887.
Nga Maori O Rapaki.

Tame Parata.—Ka patai ki te Minita Maori mehemea kua oti te Whakaaro a te Kawanatanga kia whakaritea he takuta mo nga Maori i Rapaki me etahi atu wahi? I tenei tau kua hori ake nei, i tuku pitihana mai nga Maori mo tenei mea, a i puta he kupu kia whakaritea e ratou te tangata e hiahia tia ana hei takuta ma ratou. A whakaatu mai ana ko Takuta Harihona. Kua ki mai hoki taua takuta e pai ana ia ki te haere ere ki te tirotiro i nga Maori. Kua ora hoki iaia etahi o nga tangata mate i Rapaki me era atu wahi otiia ki hai ratou i kaha ki te utu iaia ite mea hoki e noho rawa kore ana ratou, he page 15paku rawa a ratou whenua, tekau matahi tonu eka ki ia tangata ki ia tangata. A e tino inoi ana ia kia pai te whakaaro a te Kawanatanga mo tenei mea.

Te Paranihi.—Kei te uiui, kei te rapu rapu te Kawanatanga mei kore e ahei te awhina i aua Maori, otiia ki tona whakaaro ake me whai koha ano nga tangata Maori me whakarite e ratou tetahi wahi a ma te Kawanatanga e apiti. Mehemea ka peneita, tera e oti wawa tenei mea.

Take Whenua Maori O Te Waipounamu.

TAME PARATA. — Ka patai ki te Minita Maori, mehemea kua tae mai te ripoata a te Komihana, ara a Te Make mo nga kereme Maori ki Te Waipounamu; a mehemea kua oti taua ripoata, ko awhea homai ai ki te Paremete nei?

TE PARANIHI.—Ae he tika, kua tae mai te ripoata a Te Make mo enei kereme, otiia e kore e ahei te homai taua pukapuka ki te tepu o te Whare inaianei, erangi kei te whakahaere tonu te Tari, kei te tuhi ki a Te Make a kei tona hiahia tera e taea te homai ki te Whare te ripoata i mua mai o te mutunga o te Paremete nei.