Taite, te 12 o Mei, 1887.
Pire Tuku Pooti Ki Nga
Wahine.

Wi Pere. — E Te Tumuaka. Ki toku whakaaro tera e nui rawa te raruraru ki roto i tenei Whare mehemea ka paahitia tenei Pire. Me hoki whakamuri ta tatou tatiro ki te aituatanga o Arama; raru ana taua koroua i te hoatutanga o Ewa i te Aporo ki aia:— Me mahara ano tatou ki te rarunga o Hamahona ia Teraira, motu whakarere ana tono makawe—Kaua hoki tatou e wareware ki te korero mo te mara. o Napota, ara na tetahi wahine i whakatupu te mahi kohuru kia riro mai ai te mara waina o Napota. Kanui toku manawapa mehemea ka tukua mai he wahine hei mema ki roto ki tenei Whare, he mohio noku tera e rangi rua te whakaaro o etahi mema, a kaore ratou e tino ngakau nui ki nga mahi nui o te Koroni. Ahakoa kua hakoro koro haere ahau, ka awanga wanga ano ahau. Mehemea ka whakaae te mema nana i homai tenei Pire kia meingatia he tekiona penei, ara ko nga wahine whakarihariha anake e tukua mai, heoi kua kore he mataku. Otira e tino mohio ana ahau ki te tukua mai he wahine ata ahua rawa tera e tu porangi nga mema kaumatua o tenei Whare. Taku kupu whakamutunga mehemea ka pootitia he wahine ata ahua hei mema mo te Paremete, e kore ahau e tukua mai e toku hoa wahine.