Title: Nga Korero Paramete: 1886-1890

Author: New Zealand Parliament, Legislative Council

Part of: He reo ture nō te taha Kāwana / Language of the Crown

Conditions of use

Share:

Mane, te 2 o Akuhata, 1886.

Hakuene.—E te Tumuaki ekore e maha aku korero mo runga i tenei Pire, Otira ka haere aku korero mo runga i te rarangi 27. E tino whakapai ana ahau ki taua rarangi ko te take i whakapai ai ahau ki taua rarangi no te mea he tokomaha nga Maori kua tae ki te aroaro o te Komiti Mo Nga Mea Maori a e inoi ana ki te Komiti kia whakamana a ratou pitihana me te inoi kia whakahoutia kia whakaroaina atu a ratou riihi mo etahi atu tau kua ki etahi mema tera e puta he kupu whakapae ki te Komihana mo te whakaaro ki etahi Otira ki taku whakaaro kahore he wehi mo tena take ta te mea ma nga Maori ano e whakaae i te tuatahi erangi mehe mea ka tahuri te Komihana ki te maminga ka tika ano kia puta nga kupu whakapae mona ki te mahia e ia ta nga Maori i hiahia ka pai noa atu taua rarangi. Kua ki etahi mema he nui rawa te mana e hoatu ana ki te Kawanatanga Kahore aku kupu mo tena. Ekore au e whakahe ki tenei Pire i runga i tena take ta te mea mehemea e tukuna ana te mana katoa ki nga Maori ekore e pahitia e tenei Whare. Kei te Whare ia te whakaaro mo tena, E tino whakaae ana ahau ki nga korero a te Pakarana te mema mo te taha whakararo (ara) he mea pai kia whamatau ria tenei Pire kia kitea tona mana. I ki ano au i te mauranga tuatahi mai o tenei Pire ki te aroaro o te Whare kihai au i mahara tera e puta he oranga nui mo nga Maori i roto i taua Pire otiri e tino pai ana ahau kia whakamatau ria. Mehemea e kitea ana tera etahi rarangi he ka taea ano te whakatikatika me te whakapai i te Pire, Ka ki ano hoki au ki taku mahara ekore tenei Pire e whakatipu raruraru i waenga i nga Maori, Mehemea ekore e mana nga tikanga o tenei Pire no nga Maori ano te he ta te mea e tukuna ana e tenei Pire kia nui he panuitanga mo nga whakahaere whenua katoa ahakoa he riihi ahakoa he hoko. I roto i nga whakahaere o naianei he huna tonu te mahi whakahaere o nga Maori kei kite a ratou tamariki me o ratou huanga kia riro ai nga Maori ki te penei i whakahe ai ratou ki tenei pire. Kei te mohio ano tatou ko nga whenua e hokona ana i mua e ahei ana te tangata kotahi te tango i te moni a kainga ake e ratou, A he mea ano kua hokona te whenua kua pau nga moni i te mea page 23 kahore ano te tangata nona te whenua i mohio, ko te take i tautoko ai au i tenei Pire na te mea e tino panuitia ana nga whakahaere katoa mo nga whenua Maori.