.gif)
Nga Korero Paramete: 1886-1890
Taite, te 22 o Hurae, 1886
Taite, te 22 o Hurae, 1886.
Keehi O Maungatautari.
Puke Te Ao.—I patai ki te Kawanatanga mehemea ka whakahaua e ratou kia perehitia kia whakamaoritia hoki te ripoata a Tiati Mete mo runga i te keehi o Maungatautari. Ko te take i tono ai ia na runga i te motini a te mema mo Akarana ki te rawhiti a i te mea kua tata te mutunga o te Paremete e awangawanga ana ia kia whakaputaina tetahi tikanga i mua o te mutunga o te Paramete. He maha nga pitihana o nga Maori kua tae mai ki te Whare mo runga i enei take a kahore ano tetahi tikanga kia puta mo runga i aua pitihana a kei te hia hia nga Maori kia mohio ai ratou ki nga tikanga o taua ripoata.
Te Paranihi i mea kua takoto te ripoata ki runga i te Tepu o te Whare a ki tona mohio kua tonoa kia perehitia a ka whakamaori hoki e tatahi karaka o te Whare.
Nga Maori O Otaki.
Puke Te Ao.—I motini kia nukuhia te Whare. Ko te Pakeha i tukuna atu ai nga rongoa e te Kawanatanga kahore e mohio ki te tuku rongoa mo nga mate ko ta nga Maori i hiahia ai ko tetahi takuta tino mohio ki te titiro i i nga mate. I nga tau kua hori ake nei i reira ano tetahi takuta he mea utu na te Kawanatanga. He mea he te tuku atu i nga rongoa ki nga tangata kahore nei e matau ki te titiro i nga mate mehemea i mohio tenei tangata ki te titiro i nga mate kua rere ke te ahua.