Hoko Reriwe O Nga Takiwa.
Mane, te 16 o Hurae, 1886.

Wi Pere.—E hiahia ana ahau ki te whakapuaki i etahi kupu mo runga i te mea e korerotia nei i te aroaro o te whare nei ki taku whakaaro he take ano tenei me whakahaere ki taku whakaaro i runga i nga korero i korerotia ki te aroaro o te Komiti i kitea te whakaaetanga a tetahi rangatira kia hoatu tetahi moni mo te whakahaerenga i te hoko otetahi Reriwe. A i mohio ano hoki te tangata i whakaaetia ai aua moni he winitanga mona aua moni otira kua whakaae tonu taua rangatira, kua riro i aia nga moni ka riro ranei i aia nga moni £1,030 neke ake ranei. E te Tumuaki e mea ana ahau kia motini a te Turei kia whakahokia mai aua moni hei oranga mo te hunga i mate i Tarawera ki taku whakaaro he nui rawa tenei winitauga mo te mema kotahi no reira ka tukuna e au taku motini kua ki ake nei e ahau. E pouri ana ahau mo te putanga ake o tenei raruraru kei te mahara tonu au i te taenga mai o taua tikauga ki te aroaro o te whare nei. I tohe tonu taua rangatira ki au kia tautoko au i aia a tautoko ana ahau i aia na te mea i ki mai ia ki ahau he nui te mate o tetahi hunga i runga i te nui o nga reiti e utua ana e ratou koia nei te tikanga e tautoko ai ahau i aia i pooti ai hoki mo runga i tana take ko taku i hiahia ai kai tautoko nga mema katoa i au me ka tono au kia whakahokia mai aua moni a ka taku atu i runga i runga i te huaraki kua kiia ake nei e ahau.