page 5

Wenerei, te 19 o Mei, 1886.
Wehewehenga Whenua Maori.

Tame Parata.—Ka patai ki te Minita Maori mei kore te Kawanatanga e whakaae ki a homai he Pire i tenei nohoanga o te Paremete hei whakamana i te Kooti Whenua Maori ki te rohe rohe i nga whenua o Te Waipounamu kua karaatitia ki nga Maori me nga whenua hoki kaore ano kia puta noa nga karaati. He maha noa atu nga tono a nga Maori o tera motu kia wehewehea o ratou whenua, otiia i raro i te ture e mau nei, kahore he mana ki te pera, na reira ka inoi ia ki te Kawanatanga kia homai he Pire kia ahei ai te Kooti te wawahi i aua whenua. Engari me whakamarama ano ia. Ahakoa wehewehea aua whenua, kaua e unuhia te tikanga—here me mau tonu te here.

TE PARANIHI.—Tana whakahoki kaore i te wareware te Kawatanga ite mea he tino putake nui tenei. A ka hoatu e ia he ritenga ki roto ki tetahi Pire meake nei homai ai ki te Whare hei whakaoti pai i taua mea.