Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paramete: 1881-1885

Teone Topi Patuki

Teone Topi Patuki.

H. K. Taiaroa.—Patai ki te Minita Maori,—(1.) Kua pehewea te whakatau a te Kawanatanga mo te ripoata o te Komiti Tikanga Maori i te tau 1878 mo te pitihana o Teone Topi Patuki e inoi ana kia whakaorangia ratou ko ona hoa e te Kawanatanga mo a ratou whenua i te tai Rawhiti o Te Waipounamu i hokona hetia? (2.) Mehemea kaore ano kia oti he whakaaro ma te Kawanatanga, me pewhea ra e ora ai aua kai-pitihana? Te take o tenei patai ana, i tuku pitihana mai a Teone Patuki; ko te whakatau o te Komiti i penei; me pare atu ki te Kawanatanga hei whakaaroaro. A e ono nga tau kua pahure nei, kaore ano he kupu kia tae atu ki te kai-pitihana e mohio ai ia ka peheatia taua mea. Pena tonu te mahi a ia Kawanatanga he whakaroa te kupu whakahoki mo nga pitihana Maori.

Te Paranihi.—Ka mea, kihai i tino kaha te kupu a te Komiti, erangi i penei kau.

"Kei te whakaaro o te Komiti mehemea ka mahia katoa tia nga take kei roto i taua pitihana. Ma tetahi atu Huihuinga e mahi. Kaua e waiho ma te Komiti whiriwhiri o te Paremete i te mea kaore he taima roa o te Komiti e taea ai te mahi. Kaore te Komiti e ahei te ki penei inaiahei, me tu he mahi ui ui mo taua mea. Otiia e tono ana ratou kiia tukua atu ma te Kawanatanga e huri huri."

I te whakaaro tonu te Kawanatanga mo tenei mea mai ano i te tau 1878, otiia ko nga kereme o taua pitihana e tino rere ke ana, he nui rawa nga whenua me nga taonga e keremetia nei. Kaore ano i oti noa te whakaaro a Te Kawanatanga a ki tana mohio e kore pea e kitea he huarahi e taea ai te whakahaere i taua mea.