Title: Nga Korero Paramete: 1881-1885

Author: New Zealand Parliament, Legislative Council

Part of: He reo ture nō te taha Kāwana / Language of the Crown

Conditions of use

Share:

Whakaari Moutere.

Henare Tomoana, tana patai, Ko wai te iwi nana i hoko a Whakaari Moutere i waho ake o Whanga Paraawa, nga Rangatira ranei, he aha hoki te tau i hokona ai a e hia nga utu i nga Maori? E patai ana au i tenei patai, natemea he tino putake tenei ki nga iwi o taua takiwa. He maha noatu nga maori o taua takiwa, kaore hoki ratou i mohio ki te hokonga o taua moutere, a no te tau 1880, no ta ratou tononga kia whakawakia ki te Kooti, katahi ratou ka rongo kua hokona taua moutere. No reira i tono ai nga Maori o taua takiwa kia patai au i te patai e mau nei i toku ingoa.

Te Paraihe, tana whakahoki mai, e hara tenei i te hoko a te Kawanatanga, no reira ka kore e mohio te Tari Maori ki te roanga o nga korero mo runga i tau mahi. Engari i runga i nga mea e kitea ana e te Kawanatanga, he mea hoko taua moutere na etahi rangatira o Ngatiawa kia Tapihana, i mua atu i te tunga o tenei Koroni, a na nga uri o taua pakeha i tuku ki te Kooti whakawa whenua Maori, a whakataua ana i te tau 1866.