.gif)
Nga Korero Paramete: 1881-1885
Te Kura I Taumutu Me Southbridge
Te Kura I Taumutu Me Southbridge.
H. K. Taiaroa patai ki te Minita mo nga Kura.
Mehemea ka whakaturia e te Kawanatanga he Kura i waenganui o Kaumutu
me Southbridge mo nga tama-page 3
riki pakeha me nga tamariki
Maori? E hiahia ana au ki te whakamarama atu i te tikanga o taku
patai. He maha noatu nga tamariki o taua takiwa, he matara rawa atu
o ratou kainga i te Kura i Southbridge, no reira ka kore e tae atu i
nga ata. E tae ana ki te waru maero te matara atu o te Kura i
Southbridge ki o ratou kainga, me ara ratou i te atapo tonu kia tae
atu ai ki te Kura. E tae ana ki te tahi te kau ma ono maero te roa o
to ratou haeretanga i ia ra, i te haeretanga atu me te hokinga mai i
te Kura. He roa rawa hoki te haerenga atu a nga tamariki pakeha. E
haere ana etahi i runga i nga hoiho, ko etahi i runga i nga tarapu.
E rima ano o aku tamariki e haere ana ki taua Kura, e rima nga hoiho
e pau ana ia ratou i nga ra katoa. Kahore i pataia atu e au tenei
hei oranga moku anake. Kei te penei ano nga pakeha o taua takiwa, na
ratou hoki i tono kia pataia e au ki te Whare. I ki mai te Tiamana o
te Poari whakahaere Kura o taua takiwa, me pitihana e matou ki te
Whare. E rua te kau nga tamariki Maori, e ono te kau nga tamariki
pakeha e tae ana ki taua Kura.
Te Tiki tana kupu whakahoki. E hara tenei i te mahi ma te Kawanatanga, notemea kei nga Poari o nga takiwa te mana mo runga i nga kura katoa o roto o aua takiwa. Mehemea ka tukua atu ki te Poari whakahaere kura o te takiwa whakararo o Katipere, tera pea e taea te whakarite. Ko tera anake te Poari e whaimana ana ki te whakahaere i era mahi, e kore e taea e te Kawanatanga te takahi i te mana o nga Poari o te Koroni. Ko tenei te huarahi tika ma Taiaroa hei whakahaere i tana hiahia, ara me tono atu ki te Poari mo te takiwa o raro o Katipere. Kahore ia i mohio ki te take i ki ai te Tiamana o te Poari, me pitihana ki te Whare, natemea e mohio ana ia kaore i te Kawanatanga te tikanga mo tenei tu mahi.