Wenerei, te 21 o Hepetema, 1881.
Hariata Nganeko.

H. M. Tawhai, tana patai ki te Kawanatanga, ka pehea ratou ki re whakataunga a te Komiti mo nga mea Maori, i runga i te pitihana a Hariata Nganeko me etahi atu? Maku e korero atu te whakataunga a te Komiti mo nga mea Maori. Kaore i te tuturu te whakataunga o te Komiti, a e hiahia ana au kia whakamaramatia mai e te Minita mo te taha Maori, kia ki mai hoki ia ka peheatia ranei taua mahi. E penei ana te whakataunga a te Komiti:—

"He mea tenei ma te Kauti Kaunihera, otira e kitea aua na te Kawanatanga i utu te mahinga o taua rori, e mea ana te Komiti me puta he whiriwhiringa whakaotinga mo tera mea, ka tuku atu ai i te whakataunga ki aua Maori.

"26 Akuhata, 1881."

Te Hooro, tana whakahoki, I mea te whakataunga a te Komiti, he mea ke ma te Kauti Kaunihera e whakaaro te tono a nga Maori. I tono ano hoki te Komiti kia ata whiriwhiria e te Kawanatanga aua putake. Kahore ano kia watea noa te Kawanatanga ki te whiriwhiri. I pootitia ano te £6,000 hei mahi i nga huarahi i te pito ki Raro o Akarana, a whakapaua ana e te Kauti Kaunibera etahi o aua moni ki runga ki taua huarahi. Kaoro an i te mohio i naianei, no te Kawanatanga te he, engari ka ata whiriwhiria ano pera me ta te Komiti i tono ai, a kei reira tukua ai ki he kupu whakaatu ki nga tangata e pa aua ki reira