Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paremete: 1904-1905

Wenerei, te 6 o Hepetema, 1905

Wenerei, te 6 o Hepetema, 1905.

No te hawhe-paahi i te rua karaka ka noho te Pika ki runga ki tona nohoanga.

Ka karakia te Whare.

Ka whakahaerea etahi mahi ka tae ki nga patai—

Nga Manu Maori O Niuitireni.

Te Era (Mr. Ell), (mema mo te Taone o Karaitiati).—He pewhea te whakahaere a te Kawanatanga e mahi nei hei tiaki hei whakaora i nga manu Maori o Niu Tireni kei ngaro rawa?

Te Honore Ta J. G. Te Waari (the Hon. Sir J. G. Ward), (Hekeretari mo te Koroni).—Kei te whakahaua nga kaitiaki manu kia tupato te tiaki, ka tuku mai i nga ripoata ki Poneke.

Ture Whakatau Kereme Whenua Maori, Whakatikatika Ture, 1904.

Te Pereiha (Mr. A. L. D. Fraser), (mema mo Nepia).—Ka patai ki te Minita Maori, Mehemea e whakaaro ana te Kawanatanga kia kawea mai he rarangi ture i tenei tau hei whakatutuki i nga kupu tohutohu a te Roiara Komihana i whakaturia i raro i nga tikanga o tekiona 11 o "Te Ture Whakatau Kereme Whenua Maori, Whakatikatika Ture, 1904"?

Honore Timi Kara (the Hon. Mr. Carroll), (Minita Maori).—Kei te mahia i naianei he Pire hei whakatutuki i nga kupu tohutohu a taua Roiara Komihana.

Ka mutu nga patai ka haere tonu nga mahi a te Whare a no te tekau ma toru meneti te paahitanga o te tahi karaka i te po ka hiki te Whare.