Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paremete: 1904-1905

Hatarei, te 5 o Noema, 1904

Hatarei, te 5 o Noema, 1904.

No te hawhe-paahi i te rua karaka ka noho te Pika ki runga ki tona nohoanga.

Ka karakia te Whare.

Ka whakahaerea etahi mahi a te Whare i te tuatahi ka mutu ka tae ki te—

Pire Whakarite Kereme Whentu Maori Whakatikatika Ture.

Ka tae mai te kupu a te Kawana e tuku mai ana i te tauira o te menemana hei whakauruhanga atu ki tenei Pire.

Tukua ana taua kupu ki te Komiti o te Whare katoa, whakaaetia ana, a ripoatangia ana ki te Whare.

I runga i te motini "Kia whakaae te Whare ki te kupu a te Komiti," ka tu ko:—

Te Makenehi (Mr. T. Mackenzie), (mema mo Waikouaiti). — Ka ki, kaore ahau e pai kia whakakorengia e te Kawanatanga tetahi kereme tika kia kotahi nei, engari kia tika ano ta tatou pupuri marire i nga whenua kei roto i nga wahi i rahuitia hei paaka mo te katoa. Tera te roanga atu o ana Korero. I muri i a ia ka tu etahi atu mema ka whai korero, me titiro a ratou koreroi roto i Hansard; a i muri i era ka tu ko.

Te Raiti Honore Te Hetana (the Right Hon. Mr. Seddon), (Pirimia),—Ka ki, e tone atu ana ahau kia whakaaetia e te Whare te kupu nei kia tukua atu tenei take ki tetahi Kooti mana e uiui. Ki te penatia ka tae mai te ripoata a tena Kooti ki te aroaro o te Whare a tenei tunga o te Paremete e haere mai nei, a hei reira ma te Whare e whakaoti. E kore tetahi atu mahi e mahia mo runga i tenei take ki te kore i matua whakaaetia e te Whare.

page 100

Wahi ana te Whare i runga i te motini "Kia whakaae te Whare ki te kupu a te Komiti."

Koia tenei te pooti e whai ake nei:—

I Te Ae, 52.

  • Aitken
  • Allen, E. G.
  • Allen, J.
  • Arnold
  • Barber
  • Bennet
  • Buchanan
  • Buddo
  • Carroll
  • Colvin
  • Davey
  • Duncan
  • Ell
  • Field
  • Flatman
  • Fraser, W.
  • Graham
  • Hall-Jones
  • Hanan
  • Hardy
  • Heke
  • Herries
  • Houston
  • Jennings
  • Kaihau
  • Kidd
  • Kirkbride
  • Lang
  • Laurenson
  • Lawry
  • Lethbridge
  • Mander
  • Massey
  • McGowan
  • McLachlan
  • McNab
  • Millar
  • Mills
  • Pere
  • Reid
  • Rhodes
  • Seddon
  • Smith
  • Steward
  • Symes
  • Tanner
  • Vile
  • Ward
  • Witty
  • Wood.

Nga Kai-tatau.

  • Hall
  • Hogg.

I Te No, 11.

  • Alison
  • Bedford
  • Duthie
  • Hawkins
  • Herdman
  • Mackenzie, T.
  • Moss
  • Thomson, J. C.
  • Te putanga, 41.
  • Thomson, J.W.
  • Nga Kai-tatau.
  • Harding
  • Taylor.

Whakaaetia ana te motini.

I runga i te motini "Kia tukua te Pire ki roto ki te Komiti" ka tu ko:—

Te Honore Timi Kara (the Hon. Mr. Carroll), (Minita Maori).—Ka ki, ko tenei Pire i panuitia tuaruatia pro formâ a tukuna ana ki te Komiti mo nga Mea Maori. E whakahaere ana mo etahi take kua oti te whiriwhiri e nga Komiti. Tera te roanga atu o ana korero whakamarama i nga tikanga o te Pire; a i muri i a ia ka whai korero etahi atu mema, me titiro nga korero i roto i Hansard.

Whakaaetia ana te motini, tukua ana te Pire ki roto ki te Komiti, ka menemanatia etahi o nga tekiona.

Ripoatangia ana te Pire, paahitia ana te panuitanga tuatoru.

Ka whakahaere tonu te Whare i etahi atu o ana mahi a ka tae ano ki te—

Pire Reiti Whenua Maori.

Ka tae mai te kupu a te Runanga Kaunihera e ki ana kei te tohe tonu ratou kia mau tonu a ratou menemana, me te whakaatu mai i nga take i pera ai ratou.

I runga i te motini a,—

Te Honore Timi Kara (the Hon Mr. Carroll), (Minita Maori).—Whakaaetia ana kia tonoa kia tu he Runanga (Conference) mo runga mo nga menemana a te Kaunihera, a kia whakaturia ko Te Herihi (Mr. Herries), ko Te Auhana (Mr. Houston), me ia hei Manatia (Managers) mo te taha ki te Whare.

Ka haere tonu te mahi a te Whare i etahi atu o ana mahi a ka tae ki te—

Pire Whakatikatika I Te Ture Kainga Maori I Taumutu.

Te Honore Timi Kara (the Hon. Mr. Carroll), (Minita Maori).—Ka motini, Kia heke atu te Pika i tona nohoanga kia noho a Komiti te Whare mo runga i tenei Pire. Ko tenei rahui he mea wehe atu i nga ra o mua hei kainga mo nga Maori i tetahi wahi e karangatia ana ko Taumutu te ingoa. He maha nga tau i mahi ai nga Maori katoa i taua whenua me nga ika o te roto. Engari no enei tau tata nei kua aranga he raruraru i waenganui i a ratou; ko etahi o nga Maori e riihi ana i etahi wahi ki nga Pakeha, a ko etahi e tautotohe ana ki a ratou ano mo etahi atu wahi o taua whenua. Kaati, kua tonoa atu te whakaaro o nga taha katoa, a ko te tikanga o te Pire nei he tuku atu i te whenua ki te Kai-tiaki mo te Katoa, a ka whai mana ia ki te whakaotioti i nga raruraru i roto i te Kooti Whenua Maori me te whakatautau i nga wahi mo ia tangata mo ia tangata. Kua whakawhiwhia ano ia ki te mana ki te whakarite i etahi wahi hei riihitanga mehemea e tika ana kia peratia, me nga wahi e waihotia hei kainga mo ratou, me te whakaotioti i nga take katoa hei painga mo nga tangata no ratou te whenua.

Whakaaetia ana te motini, tukua ana te Pire ki roto ki te Komiti, paahitia ana te panuitanga tuatoru.

Ka whakahaerea etahi atu mahi a te Whare, ka mutu, a no te rua tekau ma toru miniti te paahitanga o te tekau ma tahi karaka i te po ka hiki te Whare.